Ötən il gəmi-bərələrlə daşınan sərnişin sayı 20 faiz artıb
Bakı, 17 fevral, AZƏRTAC
Ötən il “Azərbaycan Xəzər Dəniz Gəmiçiliyi” QSC-nin (ASCO) gəmi-bərələri ilə 28 min 392 nəfər sərnişin daşınıb.
ASCO-dan AZƏRTAC-a bildirilib ki, bu, 2023-cü il ərzində daşınmış 23 min 729 nəfərlə müqayisədə 20 faiz artım deməkdir.
Ötən il sərnişinlərin 9 min 746-sı Kurık-Ələt, 1220-si Türkmənbaşı-Ələt, 14 min 834-ü Ələt-Kurık, 2 min 552-si Ələt-Türkmənbaşı istiqamətində daşınıb. 2023-cü ildə isə sərnişinlərin 8 min 361-i Kurık-Ələt, 485-i Türkmənbaşı-Ələt, 13 min 191-i Ələt-Kurık, 1393-ü Ələt-Türkmənbaşı, 144-ü Aktau-Ələt, 155-i Ələt-Aktau reysi ilə səfər edib.
Xatırladaq ki, karantin rejimi ilə əlaqədar hazırda bərə ilə ölkəni tərk etmək istəyən Azərbaycan vətəndaşları üçün Nazirlər Kabineti yanında Operativ Qərargahın xüsusi icazəsi tələb olunur. Xarici ölkə vətəndaşlarının ölkədən çıxarkən bu icazəni təqdim etməsinə ehtiyac yoxdur. Azərbaycana bərə ilə gəlmək istəyən həm Azərbaycan, həm də xarici vətəndaşlar isə eyni icazəni almalıdırlar.
Bölmənin digər xəbərləri
