Ötən il mədənlərin neft məhsulları ilə çirklənmiş daha 200 hektar ərazisi təmizlənmişdir
Bakı, 6 aprel (AZƏRTAC). Azərbaycan Respublikası Dövlət Neft Şirkətinin (ARDNŞ) ekologiya sahəsində gördüyü tədbirlər sırasında həm neft və neft məhsulları ilə çirklənmiş torpaqların təmizlənməsi, yaşıllaşdırma işləri, həm də neft sənayesinin inkişafı dövründə əmələ gələn tullantıların idarə olunması, atmosferə atılan zərərli qazların azaldılması, içməli sudan qənaətlə istifadə edilməsi məsələləri xüsusi qeyd olunmalıdır.
AZƏRTAC xəbər verir ki, bu sözləri ARDNŞ-in prezidenti Rövnəq Abdullayev aprelin 5-də Bakıda məktəblilərin “Ətraf mühitin mühafizəsi” VII Beynəlxalq Layihə Olimpiadasının açılış mərasimidə cıxışında demişdir.
R.Abdullayev bildirmişdir ki, yalnız 2010-2012-ci illərdə ARDNŞ-in idarə və müəssisələrinin ərazisində 250 mindən artıq müxtəlif növ ağac və kol bitkiləri əkilmiş, çirklənmədən təmizlənmiş 30 hektarlıq ərazidə Ekoloji park salınmışdır. Ötən il mədənlərin neft və neft məhsulları ilə çirklənmiş daha 200 hektar ərazisi təmizlənmiş, bununla da rekultivasiya nəticəsində bərpa olunmuş mədən torpaqlarının ümumi sahəsi 1300 hektara çatmışdır.
Bölmənin digər xəbərləri
