Ötən il Zaqatalada ümumi məhsul buraxılışının həcmi 6 faiz artıb
Zaqatala, 7 fevral, Mustafa Dadaşov, AZƏRTAC
Ötən il Zaqatala rayonunda 351 milyon 311 min manatlıq məhsul istehsal edilib və xidmətlər göstərilib. Bu, əvvəlki illə müqayisədə 19 milyon 545 min manat və ya 6 faiz çoxdur. Adambaşına düşən ümumi məhsul buraxılışının həcmi 2018-ci illə müqayisədə 4,6 faiz artaraq 2708 manat olub. Ötən il Zaqatala rayonunda əsas kapitala 25 milyon 575 min manat həcmində investisiya yönəldilib. İl ərzində 17 milyon 209 min manatlıq tikinti işləri həyata keçirilib.
Bu barədə AZƏRTAC-ın bölgə müxbirinə Zaqatala Rayon Statistika İdarəsindən məlumat verilib.
Bildirilib ki, ötən il məhsul istehsalı sənayedə 24,1 faiz, kənd təsərrüfatında 4,9 faiz, nəqliyyat sektorunda 1,3 faiz, rabitədə 5,3 faiz, ticarət sahəsində 2 faiz artıb. Pərakəndə əmtəə dövriyyəsinin həcmi 4,4 faiz artaraq 222 milyon 910 min manat olub.
Bölmənin digər xəbərləri
