PAKİSTAN PARLAMENTİNİN ÜZVLƏRİ AZƏRBAYCANDA SƏFƏRƏ GƏLMİŞLƏR
AZƏRTAC xəbər verir ki, iyulun 6-da Pakistan Senatının Xarici Əlaqələr Komitəsinin sədri senator Müşahid Hüseyn Səidin başçılıq etdiyi nümayəndə heyəti Azərbaycana səfərə gəlmişdir.
Heydər Əliyev adına beynəlxalq hava limanında qonaqları Milli Məclisin aqrar siyasət daimi komissiyasının sədri, Azərbaycan-Pakistan parlamentlərarası işçi qrupunun rəhbəri Eldar İbrahimov və dogər rəsmi şəxslər qarşılamışlar.
Eldar İbrahimov bildirmişdir ki, 2006-cı ildd Azərbaycan parlament nümayəndə heyəti Pakistanda olmuş, bir sıra görüşlər keçirmişdir. Müşahid Hüseyn Səidin başçılığı ilə 9 senator gəlmişdir və bu səfərdən məqsəd Azərbaycan ilə Pakistan arasında əlaqələrin, xüsusən də parlamentlərarası münasibətlərin inkişafına dair fikir mübadiləsi aparmaqdır.
Səfər çərçivəsində Pakistan parlament nümayəndə heyəti Milli Məclisdə, Nazirlər Kabinetində və Xarici İşlər Nazirliyində bir sıra görüşlər keçirəcəkdir.
Qonaqlar Fəxri xiyabanda ümummilli lider Heydər Əliyevin məzarını və Şəhidlər xiyabanını ziyarət edəcəklər.
Bölmənin digər xəbərləri
