PAMBIQ YIĞIMI BAŞA ÇATMIŞDIR

24.11.2003 [13:41]
Çap et
A⁺ A^-

Respublikanın mühüm pambıqçılıq rayonlarından olan Kürdəmirdə həyata keçirilən uğurlu aqrar siyasət özəl torpaq sahiblərinin, fermerlərin pambıqçılığa marağını əsaslı surətdə artırmışdır.

Rayon icra hakimiyyətindən AZƏRTAC-ın müxbirinə bildirmişlər ki, ötən təsərrüfat ilində 2560 ton məhsul istehsal edən Kürdəmir pambıqçıları bu il həmin göstəricini 3 min tona çatdırmışlar. Hər hektarın məhsuldarlığı 18 sentner olmuşdur ki, bu da keçən ildəkindən 7 sentner çoxdur.

Əvvəlki illərdən fərqli olaraq, təhvil verilən məhsulun dəyərinin dərhal, nağd şəkildə ödənilməsi istehsalçıların marağını bütünlüklə təmin edir. Bu, gələn təsərrüfat ilində rayonda əkin sahələrinin, nəticə etibarı ilə, pambıq istehsalının artacağına əsas verir.

PAMBIQ YIĞIMI BAŞA ÇATMIŞDIR

MÜƏLLİFLƏ ƏLAQƏ

Bölmənin digər xəbərləri