PARİSDƏ GƏNC İSTEDADLARIMIZIN KONSERTİ
Fransa senatının sədri Kristian Ponselenin və Fransa-Azərbaycan dostluq qrupunun fəxri sədri, keçmiş senator Jan Buayenin təşəbbüsü ilə Parisdəki Luksemburq sarayının “Boffran” salonunda respublikamızın gənc musiqiçilərinin konserti olmuşdur. Konsertin birinci hissəsində Fransa Ali Musiqi Akademiyasının asipirantı, fransız musiqisevərlərinin artıq yaxşı tanıdıqları pianoçu Murad Hüseynov çıxış etmişdir. İkinci hissədə Üzeyir Hacıbəyov adına Azərbaycan Dövlət Simfonik Orkestrinin pianoçusu Tamilla Quliyeva və iyun ayında gənc ifaçıların Moskvada keçiriləcək P.İ.Çaykovski adına beynəlxalq müsabiqədə ölkəmizi təmsil edəcək Bakı Musiqi Akademiyasının dördüncü kurs tələbəsi skripkaçı Anar İbrahimov onu müşayiət etmişlər.
Onların ifasında Azərbaycan, Rusiya və Avropa bəstəkarlarının əsərlərindən parçalar səslənmişdir. Gənc istedadların hər çıxışı sürəkli alqışlarla qarşılanmışdır. Azərbaycan musiqiçiləri məşhur fransız bəstəkarı H.Berliozun anadan olmasının 200 illiyi münasibətilə gələn il keçiriləcək ənənəvi festivala dəvət almışlar.
Konsertdə Fransanın diplomatik nümayədələri, senatın və Milli Məclisin üzvləri, Azərbaycan səfirliyinin əməkdaşları iştirak etmişlər.
Əsgər Əliyev
AZƏRTAC-ın xüsusi müxbiri
Paris
Bölmənin digər xəbərləri
