PARİSDƏ NOVRUZ BAYRAMI İLƏ ƏLAQƏDAR TƏDBİR KEÇİRİLMİŞDİR
Bayramsayağı bəzədilmiş stolların üzərinə xalqımıza məxsus şəkərbura, paxlava və digər nemətlər, baharın rəmzi səməni qoyulmuşdu.
Mərasim zamanı Bakıda keçirilmiş dünya azərbaycanlılarının ikinci qurultayının nümayəndələri möhtəşəm tədbirdən və ölkəmizin Prezidenti İlham Əliyevin dərin məzmunlu nitqindən aldıqları təəssüratlardan söhbət açmışlar.
Mərasim iştirakçıları musiqi sədaları altında rəqs etmiş, baharı tərənnüm edən mahnılar oxumuşlar.
Tədbirdə Azərbaycanın Fransadakı səfiri Tarik Əliyev və səfirliyin əməkdaşlarI, fransız ictimaiyyətinin nümayəndələri, diasporamızın təmsilçiləri, Parisin və ölkənin digər şəhərlərinin ali məktəblərində təhsil alan azərbaycanlı tələbələr iştirak etmişlər.
Novruz bayramına həsr olunmuş mərasim xoş əhval-ruhiyyə ilə sona çatmışdır.
Bölmənin digər xəbərləri
