“PARSABAD-ASTARA ELEKTRİK XƏTLƏRİ” LAYİHƏSİ ÇƏRÇİVƏSİNDƏ TƏMİR-QURAŞDIRMA İŞLƏRİ APARILIR
“Azərenerji” Açıq Səhmdar Cəmiyyətinin mətbuat xidmətindən AZƏRTAC-a bildirmişlər ki, iyunda “Parsabad-Astara elektrik xətləri” layihəsi çərçivəsində 330/220 kilovoltluq “İmişli” yarımstansiyasında və onun inzibati binasında təxminən 14 mühafizə-müşahidə lövhəsi quraşdırılmış, kabellər çəkilmişdir.
220/110 kilovoltluq “Salyan” yarımstansiyasının inzibati binasında və 10 kilovoltluq qapalı paylayıcı obyektdə tikinti-quraşdırma, iki portalın özülünün və bir transformatorun alt özülünün betonlaşdırılması işləri başa çatdırılmış, metal konstruksiyaların quraşdırılması işləri görülmüşdür.
220 kilovoltluq “Masallı” yarımstansiyasında da müvafiq işlər görülmüşdür. Hazırda stansiyanın açıq paylayıcı obyektində metal konstruksiyaların quraşdırılması işləri aparılır.
Bundan əlavə, layihə çərçivəsində 330 kilovoltluq “Şirvan” yarımstansiyasının 220 kilovoltluq açıq obyektində dörd portalın özülünün betonlaşdırılması işləri başa çatdırılmışdır.
Bölmənin digər xəbərləri
