PİRŞAĞI QƏSƏBƏSİNDƏ MƏSKUNLAŞAN XOCALILILAR FACİƏ QURBANI OLAN DOĞMALARINI YAD ETDİLƏR
Pirşağı bələdiyyəsindən AZƏRTAC-a bildirmişlər ki, qəsəbədəki “Qızıl qum”, “Veteran” sanatoriyalarında və daha üç pansionatda məskunlaşan 130 nəfər Xocalı qaçqını üçün ehsan süfrəsi açılmış, faciə qurbanlarının ruhuna dualar oxunmuşdur. Xocalılılar soyqırım qurbanı olan doğmalarının xatirəsini yad etmişlər. Faciənin 11-ci ildönümü ilə əlaqədar Sabunçu Rayon İcra Hakimiyyətinin təşkil etdiyi mərasim Xocalı məktəblilərinin faciə barədə söylədikləri şerlərlə və göstərdikləri səhnəciklə başa çatmışdır.
Bölmənin digər xəbərləri
