PİYADANIN HƏYATINI XİLAS ETMƏK MÜMKÜNOLMAMIŞDIR

08.11.2006 [22:25]
Çap et
A⁺ A^-

AZƏRTAC xəbər verir ki, Bakının Mətbuat prospektində Fərman Quliyev “Honda” markalı avtomaşını idarə edərkən Vüsal Xankişiyevi və Hidayət Tarıverdiyevi vurmuşdur. Xəsarət almış hər iki piyada xəstəxanaya yerləşdirilmişdir. Vüsal orada ölmüş, Hidayətin vəziyyəti qənaətbəxşdir.

Nizami rayonunun R.Rüstəmov küçəsində Səfər Həsənov “VAZ-2106” markalı avtomaşınla Əhməd Orucovu vurmuşdur. Ə.Orucov xəstəxanada dünyasını dəyişmişdir.

Ordubad-Naxçıvan yolunun Culfa rayonu ərazisində Hikmət İbrahimov “Toyota” markalı avtomaşını Xoşgəri çayı üzərindəki körpüdən çaya aşırmışdır. Nəticədə xəsarət almış H.İbrahimov və sərnişini Rizvan İbrahimov xəstəxanaya yerləşdirilmişlər. Rizvan orada ölmüşdür.

Saatlı rayonunun Qaralar kəndi ərazisində Ayaz Ağayev “M” markalı motosikleti yolun kənarında dayanmış “KamAZ” markalı avtomaşına vurmuşdur. Nəticədə A.Ağayevin sərnişinləri – Tofiq Xəlilov və Tural Babayev hadisə yerində ölmüşlər. Xəsarət almış A.Ağayev və digər sərnişini – İlkin Məmmədov xəstəxanaya yerləşdirilmişlər.

Faktlarla əlaqədar cinayət işi başlanmışdır, təhqiqat aparılır.

PİYADANIN HƏYATINI XİLAS ETMƏK MÜMKÜNOLMAMIŞDIR

MÜƏLLİFLƏ ƏLAQƏ

Bölmənin digər xəbərləri