POLŞA SENATININ SƏDRİ BAKIYA RƏSMİ SƏFƏRƏ GƏLMİŞDİR
Heydər Əliyev adına beynəlxalq hava limanında qonağı Milli Məclis sədrinin birinci müavini Ziyafət Əsgərov, xarici işlər nazirinin müavini Xələf Xələfov və digər rəsmi şəxslər qarşılamışlar.
Milli Məclisdən bildirmişlər ki, Boqdan Boruseviç noyabrın 8-də Fəxri xiyabanda Azərbaycan xalqının ümummilli lideri Heydər Əliyevin məzarını və Şəhidlər xiyabanını ziyarət edəcəkdir.
Səfər çərçivəsində B.Boruseviç bir sıra rəsmi şəxslərlə görüşlər keçirəcək, Heydər Əliyev Fondunda olacaqdır.
Qonağın, həmçinin Səngəçal terminalı ilə tanışlığı da nəzərdə tutulmuşdur. Noyabrın 9-da Boqdan Boruseviç Bakı Slavyan Universitetində polyak dili və mədəniyyəti mərkəzinin açılışı mərasimində iştirak edəcəkdir.
Polşa Senatı sədrinin səfəri noyabrın 10-da başa çatacaqdır.
Bölmənin digər xəbərləri
