POLŞA SENATININ SƏDRİ POLYAK İCMASININ NÜMAYƏNDƏLƏRİ İLƏ GÖRÜŞMÜŞDÜR
Görüşü səfir Kşiştov Krayevski açaraq, ümidvar olduğunu bildirdi ki, bu, Azərbaycanda yaşayan polyakların öz tarixi vətəni ilə əlaqələrinə müsbət təsir göstərəcəkdir.
Sonra Polşa Senatının sədri Boqdan Boruseviç çıxış edərək dedi ki, bu, əlamətdar görüşdür, çünki Polşanın milli bayramı – Müstəqillik günü ərəfəsində keçirilir. Bütün postsovet məkanında yaşayan polyaklar kimi, Azərbaycanda da yaşayan həmvətənlərimiz də bilməlidirlər ki, Polşa onları unutmur. Onlar Polşa Senatının da tam dəstəyinə ümid bəsləyə bilərlər. Senatın sədri öz mədəniyyətlərini və dilini qoruyub saxladıqlarına görə soydaşlarına təşəkkür etdi.
Azərbaycanın polyak icmasının sədri Stanislav Qruşetski məlumat verdi ki, icma böyük planlar hazırlamışdır və Senat maraq və kömək göstərərsə, bunlar həyata keçə bilər.
Görüşdən xatirə olaraq, Polşa Senatının sədrinə hədiyyə təqdim edildi.
Bölmənin digər xəbərləri
