Polşa yazıçısı Buker mükafatına layiq görüldü
Bakı, 23 may, AZƏRTAC
Polşa yazıçısı və şairi Olqa Tokarçuk 2018-ci ilin Beynəlxalq Buker Mükafatına layiq görülüb.
AZƏRTAC TASS informasiya agentliyinə istinadla xəbər verir ki, Olqa Tokarçuk müsabiqədə “Flights” (“Uçuşlar”) romanı ilə iştirak edib.
Buker mükafatı (Man Booker Prize for Fiction) 1968-ci ildə Buker-Makkonnel tərəfindən təsis olunub və iki ildən bir verilib. 2016-cı ildən mükafat hər il təqdim olunur.
Bu və ya digər dildə yazılan, ingilis dilinə tərcümə edilərək Böyük Britaniyada nəşr etdirilən konkret romana və ya hekayələr toplusuna görə verilən mükafatın məbləği 50 min funt-sterlinqdir. Bu məbləğ əsərin müəllifi və tərcüməçisi arasında bölünür.
Bölmənin digər xəbərləri
