Prezident Aleksander Van der Bellen: Azərbaycan Avstriyanın Cənubi Qafqazda ən vacib ticarət tərəfdaşıdır
Vyana, 30 mart, AZƏRTAC
Azərbaycan Avstriyanın Cənubi Qafqazda ən vacib ticarət tərəfdaşıdır. Prezident İlham Əliyev və mən məhsuldar görüşümüzü bu yaxşı bünövrənin üzərində qurduq.
AZƏRTAC xəbər verir ki, bu sözləri Avstriyanın Federal Prezidenti Aleksander Van der Bellen martın 29-da Vyanada Azərbaycan Respublikasının Prezidenti İlham Əliyevlə keçirilən görüşü ilə bağlı öz “Twitter” səhifəsində yazıb. Qeyd edib ki, bu tərəfdaşlıqla yanaşı, həmçinin ölkələrimizin universitetləri arasında çoxsaylı uğurlu əməkdaşlıq əlaqələri mövcuddur.
Prezident Aleksander Van der Bellen, həmçinin qeyd edib ki, Avstriya və Vyana Azərbaycan Prezidenti və Ermənistan baş naziri arasında gələcək danışıqlara ev sahibliyi etməyə hazırdır.
Elgün Niftəli
AZƏRTAC-ın xüsusi müxbiri
Vyana
Bölmənin digər xəbərləri
