Professor Gövhər Baxşəliyevanın elmi tədqiqat layihəsi ilin ən uğurlu layihəsi elan olunmuşdur
Bakı, 17 aprel (AZƏRTAC). Azərbaycan Respublikası Prezidenti yanında Elmin İnkişafı Fondu humanitar və ictimai elmlər sahəsində axtarış-innovasiya xarakterli “Azərbaycanın ərazi bütövlüyünü təsdiq edən orta əsrlər və yeni dövr xəritələrinin axtarılması və surətlərinin ölkəmizə gətirilməsi” elmi tədqiqat layihəsini ilin ən uğurlu layihəsi elan etmişdir.
AZƏRTAC xəbər verir ki, “Hilton Baku” otelində keçirilən mərasimdə layihənin rəhbəri - Milli Məclisin deputatı, AMEA-nın akademik Ziya Bünyadov adına Şərqşünaslıq İnstitutunun direktoru, filologiya elmləri doktoru, professor Gövhər Baxşəliyevaya Azərbaycan Respublikası Prezidenti yanında Elmin İnkişafı Fondu tərəfindən müvafiq sertifikat təqdim olunmuşdur.
Bölmənin digər xəbərləri
