Professor Hüseynəli İsmayılov: Zəfər Günün mübarək, Azərbaycan!
Bakı, 8 noyabr, AZƏRTAC
Bu gün Qarabağ Zəfərinin bir ili tamam olur. Bu şanlı Qələbənin ən əsas qəhrəmanları olan şəhidlərimizin ruhu qarşısında baş əyir və onlara Allahdan rəhmət diləyirəm.
Bunu AZƏRTAC-a tibb elmləri doktoru professor, Rusiya Təbiət Elmləri Akademiyasının akademiki, Rusiyanın Əməkdar səmərələşdiricisi Hüseynəli İsmayılov bildirib.
Professor bu böyük Qələbədən qürur duyduğunu vurğulayaraq deyib: “Moskvada yaşayan azərbaycanlılar da 44 günlük Vətən müharibəsi zamanı həmrəylik göstərərək şanlı Ordumuza hər zaman maddi və mənəvi dəstək nümayiş etdirdilər, Qarabağ həqiqətlərini Rusiya ictimaiyyətinə çatdırmaq üçün daim böyük işlər görərək müxtəlif tədbirlər həyata keçirdilər. Bu böyük Zəfəri Müzəffər Ali Baş Komandan, Prezidentimiz İlham Əliyevin qətiyyətli sərkərdəliyi və uğurlu siyasəti sayəsində şanlı Ordumuzun müzəffər əsgərləri tarixin qəhrəmanlıq salnaməsinə çevirdilər. Bu Zəfər Günündə möhtərəm Prezidentimizə və rəşadətli Ordumuzun əsgərlərinə Rusiyadakı soydaşlarımız adından minnətdarlığımızı çatdırır, yeni qələbələr arzulayıram.
Zəfər Günün mübarək, Azərbaycan!”
Bölmənin digər xəbərləri
