PROQRAMIN İNKİŞAFINA DAİR SAZİŞ İMZALANMIŞDIR
Aprelin 18-də Əmək və Əhalinin Sosial Müdafiəsi Nazirliyi ilə BMT-nin İnkişaf Proqramı arasında milli sosial müdafiə sisteminin 2003-cü ildə inkişafı üzrə Əməkdaşlıq Proqramına dair saziş imzalanmışdır. Sazişi Azərbaycan tərəfindən əmək və əhalinin sosial müdafiəsi naziri Əli Nağıyev, BMT-nin İnkişaf Proqramı tərəfindən isə bu proqramın Azərbaycandakı nümayəndəliyinin rəhbəri Marko Barsotti imzalamışlar.
Əmək və Əhalinin Sosial Müdafiəsi Nazirliyinin mətbuat xidmətindən AZƏRTAC-a bildirmişlər ki, nazir Əli Nağıyev imzalanma mərasimində çıxış edərək BMT İnkişaf Proqramının Azərbaycandakı nümayəndəliyinin fəaliyyətini yüksək qiymətləndirmiş, ölkəmizdə əhalinin sosial müdafiəsinin gücləndirilməsi sahəsində görülən işlərdən və qarşıda duran vəzifələrdən danışmışdır.
Bölmənin digər xəbərləri
