Psixoloq vəzifəsinə işə qəbul müsahibələrinin vaxtı açıqlanıb
Bakı, 4 aprel, AZƏRTAC
Bakı Şəhəri üzrə Təhsil İdarəsinin (BŞTİ) tabeliyindəki ümumi təhsil müəssisələrində psixoloq vəzifəsinə işə qəbul üzrə müsabiqənin müsahibə mərhələsinin vaxtı bəlli olub.
BŞTİ-dən AZƏRTAC-a bildirilib ki, müsabiqənin müsahibə mərhələsinə aprelin 7-dən start veriləcək. Müsahibənin vaxtı və məkan haqqında məlumat öncədən SMS vasitəsilə namizədlərə göndəriləcək.
Müsahibə mərhələsində namizədə ixtisas üzrə açıq və praktik suallar veriləcək. Müsahibəni uğurla keçən namizədlər müsahibə nəticələrinə görə müvafiq vakant yerlərə yerləşdiriləcəklər.
Qeyd edək ki, ümumi təhsil müəssisələrində psixoloq vəzifəsinə işə qəbul üzrə müsabiqənin test imtahanında iştirak edən 312 namizəddən 139-u müsabiqənin müsahibə mərhələsinə vəsiqə qazanıb.
Bölmənin digər xəbərləri
