QADINLARIN SAHİBKARLIQ FƏALİYYƏTİ GENİŞLƏNDİRİLİR
Mərkəzdən AZƏRTAC-a bildirmişlər ki, məşğələlərdə qadın sahibkarlığının əhəmiyyəti, problemləri, perspektivləri, sahibkarlıq fəaliyyətinin hüquqi-normativ əsasları və s. mövzularda təlimlər keçirilmişdir. Blokada şəraitində olan, öz məhsullarını Naxçıvandan kənara çıxara bilməyən sahibkarların problemləri müzakirə edilmiş, yerli imkanlardan istifadə mexanizmləri təhlil olunmuşdur.
İnteraktiv formada aparılan tədbirlərdə qadınlara sahibkarlıq sahəsində praktik vərdişlər, sənədlərin hazırlanması qaydaları öyrədilmişdir. Seminarın iştirakçıları qabaqcıl fermer təsərrüfatları, xidmət obyektləri və müəssisələrdə olmuş, təcrübə mübadiləsi aparmışlar.
İştirakçılara Müstəqil Elmi-Praktik Hüquq Mərkəzinin hazırladığı “Azərbaycanda qadın sahibkarlığı” adlı kitabçalar, metodiki vəsaitlər paylanmışdır.
Sonda sahibkar və sahibkarlıqla məşğul olmaq istəyən qadınlara sertifikatlar verilmişdir.
Bölmənin digər xəbərləri
