Qanunsuz ov edənlər cəzalandırılıblar
Bakı, 21 sentyabr, AZƏRTAC
Dövlət Ekoloji Təhlükəsizlik Xidmətinin əməkdaşları tərəfindən keçirilən növbəti nəzarət tədbirləri zamanı qanunsuz balıq ovlayan şəxslər saxlanılıb.
Xidmət rəsmisi Bəhruz Məhəmmədov AZƏRTAC-a bildirib ki, araşdırma zamanı brakonyerlərin Astara rayon sakini Zülfü Süleymanov, Coşqun Dadaşov, Bakı şəhər sakini Akif Baxşıyev, Ağcabədi rayon sakini Rəhman Quliyev olduğu müəyyən edilib. Faktla bağlı akt və protokol tərtib olunub, təqsirkar şəxslər barəsində qanunamüvafiq tədbirlər görülüb: “Eyni zamanda, ayrı-ayrı rayonların inzibati ərazisində ov etdiklərinə görə Lerik rayon sakini Əlizadə Sayılov, Neftçala rayon sakini Famil Mirzəyev, Ucar rayon sakini Xeyrəddin Məmmədov, Bakı şəhər sakinləri Babək Əliyev, Həşim Həsənov, Anar Alıyev, Əziz Əliyev, Qusar rayon sakinləri Şadlıq Saruxanov, İlqar Asanov, Sabirabad rayon sakini Tahir Muxtarov, Biləsuvar rayon sakini Mikayıl Əhmədov saxlanılıb və barələrində protokol tərtib edilərək cərimələniblər”.
Bölmənin digər xəbərləri
