“Qarabağ” – “Sivasspor” oyununun hakimləri açıqlanıb
Bakı, 25 noyabr, AZƏRTAC
UEFA Avropa Liqasının qrup mərhələsi çərçivəsində keçiriləcək “Qarabağ” (Ağdam) - “Sivasspor” (Türkiyə) oyununun hakimləri açıqlanıb.
AZƏRTAC xəbər verir ki, qarşılaşmanı Danimarkadan olan hakimlər briqadası idarə edəcək.
Matçın baş hakimi Yakob Kehlet olacaq. Ona Heine Sorensen və Lars Hummelgaard kömək edəcəklər. Dördüncü hakim funksiyasını Yens Maee yerinə yetirəcək.
Qeyd edək ki, matç noyabrın 26-da, Bakı vaxtı ilə saat 21:55-də, İstanbulda “Başakşehir Fatih Terim” stadionunda keçiriləcək.
Bölmənin digər xəbərləri
