Qatvik aeroportunun fəaliyyəti bərpa edilib
Bakı, 21 dekabr, AZƏRTAC
Böyük Britaniyanın Qatvik aeroportunun fəaliyyəti bərpa edilib - dekabrın 20-də Şanxaydan gələn ilk təyyarə hava limanına enib.
AZƏRTAC TASS informasiya agentliyinə istinadla xəbər verir ki, Qatvik aeroportunun qalxma-enmə zolağı məhdud sayda təyyarə üçün açıq elan olunub. Aeroport rəhbərliyi, eyni zamanda, sərnişinlərə hava limanına gəlməzdən əvvəl reyslərinin statusunu yoxlamağı tövsiyə edib.
Qeyd edək ki, Qatvik aeroportu dekabrın 19-da qalxma-enmə zolağı üzərində 2 pilotsuz uçuş aparatının görünməsindən sonra fəaliyyətini dayandırmış, hava limanına yaxınlaşan təyyarələr isə Kardif, Liverpul, Mançester, həmçinin Londonun Stansted və Luton aeroportlarına yönəldilmişdi. Hazırda dronları idarə edən şəxslər axtarılır.
Londonun 46 kilometr cənubunda yerləşən Qatvik aeroportu il ərzində 45 milyondan çox sərnişinə xidmət edir. O, ötən ilədək dünyanın ən çox yüklənmiş hava limanı sayılırdı. Sonradan Mumbay şəhərindəki Çatrapati Şivaci adına aeroport bu göstəriciyə görə onu üstələyib.
Bölmənin digər xəbərləri
