Qazax rayonunda yabanı halda bitmiş 7 minə yaxın çətənə kolu məhv edilib
Bakı, 14 iyun, AZƏRTAC
Qazax Rayon Polis Şöbəsinin və Dövlət Sərhəd Xidməti əməkdaşlarının birgə keçirdikləri “Xaşxaş-2021” şərti adlı kompleks əməliyyat-axtarış və profilaktik tədbirlər nəticəsində külli miqdarda narkotik vasitə aşkarlanıb.
Daxili İşlər Nazirliyinin mətbuat xidmətindən AZƏRTAC-a bildiriblər ki, əməliyyat nəticəsində Daş Salahlı kəndi ərazisində yabanı halda 6997 çətənə kolu aşkar edilib. Ümumi çəkisi 2,5 tona yaxın olan həmin çətənə kolları yandırılaraq məhv edilib.
Bölmənin digər xəbərləri
