Qazaxda Ağköynək kəndinin içməli su təminatının yaxşılaşdırılması istiqamətində işlər görülür

02.09.2026 [18:41]
Çap et
A⁺ A^-

Qazax, 2 sentyabr, AZƏRTAC

Qazaxda əhalinin içməli suya olan tələbatının təmin olunması istiqamətində tədbirlər həyata keçirilir.

AZƏRTAC-ın bölgə müxbirinin məlumatına görə, bu istiqamətdə Ağköynək kəndində sakinlərin istifadə etdiyi Ağbulaq su anbarına və anbara gələn su xəttinə də diqqət yetirilir. Belə ki, kənd sakinlərinin dəstəyi ilə bələdiyyə tərəfindən Ağbulaq su anbarına gələn 6 kilometr uzunluğunda köhnə su xətti yenilənib. Metal borular plastik borularla əvəzlənib. Görülən işlər nəticəsində kənd sakinlərinin içməli su ilə təminatının yaxşılaşdırılmasına nail olunub.

Bununla yanaşı, Ağbulaq su anbarından qidalanan bulaqlara gələn suyun vəziyyəti də diqqətdə saxlanılır.

Hazırda su anbarına gələn köhnə su xəttinin mənbədən başlayan 800 metrlik hissəsinin də yenilənməsi nəzərdə tutulur.

_{Müxbir - Ruslan Novruzoğlu}