Qazaxıstan ordusunun sıralarında ehtiyatda olan hərbçilər qulluq edəcək
Astana, 22 yanvar, AZƏRTAC
Qazaxıstan Məclisi ehtiyatda olan hərbi qulluqçular haqqında qanun layihəsinə düzəlişləri təsdiq edib.
AZƏRTAC “Kazinform”a istinadla xəbər verir ki, bu yenilik silahlı qüvvələrin komplektləşdirilməsində əlavə mexanizm olacaq. Bu layihənin icrası ehtiyatda olan hərbçilərin əsas hərbi-uçot ixtisasları üzrə hazırlanmasına yönəlib.
Ehtiyatda xidmət hərbi hissələrin hazır olmasının müddətini qısaldacaq. Çünki ehtiyatda olanlar birbaşa hərbi hissələrə göndəriləcək və formalaşdırılan bölmələrin döyüş hazırlığı artırılacaq.
Qanunla “ehtiyatda olan hərbçi” anlayışı qüvvəyə minir. Toplanış və ya təlimlər zamanı ehtiyatda olan şəxs hərbçi statusu alır.
İlkin mərhələdə Müdafiə Nazirliyi ölkə üzrə 2 minə yaxın ehtiyatda olan hərbçi toplamaq niyyətindədir. Ehtiyatda xidmət sisteminin 2025-ci ildə işə düşməsi planlaşdırılır. Bu, ordunun hazırlığının təkmilləşdirilməsi üzrə aparılan işin bir hissəsidir.
Elşən Rüstəmov
AZƏRTAC-ın xüsusi müxbiri
Astana
Bölmənin digər xəbərləri
