QAZAXISTAN UKRAYNAYA 1,2 MİLYON TONADƏK TAXIL SATMAĞA HAZIRDIR
Qazaxıstanda dənli taxıl yığımı başa çatmışdır. Bu il, 17,2 milyon tondan çox taxıl, o cümlədən 12,6 milyon ton buğda yığılmışdır. Bunu Qazaxıstan kənd təsərrüfatı nazirinin müavini Akılbek Kurişbayev bildirmişdir.
O demişdir ki, nəzərdə tutulduğuna görə, 5,5 milyon tondan artıq taxıl ixrac ediləcəkdir. Hazırda Qazaxıstan 40 dövlətə taxıl göndərir. Lakin bu dəfə ixracın əsas payı MDB ölkələrinə düşəcəkdir, çünki cari ildə Ukrayna və Rusiyada dənli bitkilərin məhsuldarlığı orta səviyyədən aşağı olmuşdur. Qazaxıstan Ukraynaya 1,2 milyon tonadək taxıl satmağa hazırdır.
Bölmənin digər xəbərləri
