Qazaxıstandan ABŞ-a birbaşa uçuş həyata keçiriləcək
Nur-Sultan, 17 noyabr, AZƏRTAC
Parlament Məclisi Qazaxıstan və ABŞ hökumətləri arasında hava nəqliyyatı haqqında sazişin ratifikasiyası haqqında qanun layihəsini təsdiqləyib. Sənəd baxılmaq üçün Senata təqdim edilib.
AZƏRTAC xəbər verir ki, bu Qazaxıstan tarixində “açıq səma” rejiminin prinsiplərinə uyğun gələn ilk sazişdir.
Müqaviləyə əsasən, tərəflər aviaşirkətlərin sayına, istiqamətlərinə və tezliklərinə məhdudiyyət qoyulmadan, o cümlədən sərnişin daşınması üçün beşinci “hava azadlığı” dərəcəsi ilə uçuşlar həyata keçirə bilər.
Müqavilə ölkə tarixində “açıq səma” rejimində ilkdir, yəni istənilən Qazaxıstan aviaşirkəti ölkənin istənilən şəhərindən ABŞ-ın istənilən şəhərinə məhdudiyyətsiz sayda sərnişin və yük daşıma reysləri həyata keçirə biləcək.
İlahə Əhmədova
AZƏRTAC-ın xüsusi müxbiri
Nur-Sultan
Bölmənin digər xəbərləri
