Qəbələdə karantin rejimi qaydalarını pozaraq toy mərasimi təşkil edən şəxslər cərimələniblər
Bakı, 1 noyabr, AZƏRTAC
Qəbələ Rayon Polis Şöbəsi əməkdaşlarının apardıqları yoxlamalar zamanı fərdi evlərdə keçirilən toy mərasimlərində karantin qaydalarının pozulması halları aşkarlanıb.
Daxili İşlər Nazirliyinin mətbuat xidmətinin Şəki regional qrupundan AZƏRTAC-a bildiriblər ki, rayonun Mıxlıqovaq kəndində və Nic qəsəbəsində fərdi evlərin həyətyanı sahələrində təşkil olunan toy məclislərində 150-dən çox qonağın iştirak etdiyi, eləcə də bəzilərinin COVID-19 pasportu olmadığı müəyyən edilib.
Aşkarlanmış qayda pozuntuları ilə əlaqədar toy məclislərinin təşkilatçıları Roman Eyyubov və Nəvai Əliyev inzibati məsuliyyətə cəlb olunublar. Onların hər biri 400 manat məbləğində cərimələnib.
Bölmənin digər xəbərləri
