“QƏLBİN GÖZÜ - RAMİZ FASEH” SƏNƏDLİ FİLMİNİN ÇƏKİLİŞLƏRİ BAŞA ÇATMIŞDIR
Yaradıcılıq Birliyindən AZƏRTAC-a bildirmişlər ki, yeni sənədli film klassik ədəbiyyatımızın mahir bilicisi, Füzuli, Nəsimi poeziyasının tədqiqatçısı Ramiz Fasehin ədəbi fəaliyyətindən bəhs edir. Milli musiqimizin şah əsəri sayılan muğamlarımızın mükəmməl bilicisi R.Faseh tamaşaçılara əruz vəznində yazılan şeirlərin musiqi ilə vəhdəti haqqında maraqlı məlumatlar verir. Filmdə həm də tədqiqatçının məşhur xanəndələrlə görüşləri, söhbətləri, gənclərə faydalı məsləhətləri əksini tapmışdır.
Filmin ssenari müəllifi Zərifə Ağahüseynqızı, quruluşçu rejissoru Mikayıl Əjdəroğludur. Hazırda filmin montaj işləri aparılır və yaxın günlərdə ekranlara çıxarılacaqdır.
Bölmənin digər xəbərləri
