“QEYRİ-HÖKUMƏT TƏŞKİLATLARININ İNKİŞAFI ÜÇÜN ƏLVERİŞLİ MÜHİTİN YARADILMASI” MÖVZUSUNDA MÜSABİQƏ KEÇİRİLİR
Cəmiyyətdən AZƏRTAC-ın müxbirinə bildirmişlər ki, müsabiqəyə QHT-lərin qarşılaşdıqları problemlərə və onların həlli yollarına həsr olunmuş yazılar qəbul edilir. İştirak etmək istəyənlər bu il iyunun 10-dan etibarən dövri mətbuatda dərc olunmuş yazılarını sentyabrın 25-dək Hüquq Maarifçiliyi Cəmiyyətinə bilavasitə və ya elektron poçt vasitəsilə təqdim etməlidirlər.
Qalibləri nüfuzlu jurnalist, hüquqşünas və QHT təmsilçilərindən ibarət münsiflər heyəti müəyyənləşdirəcəkdir.
Müsabiqənin nəticələri sentyabrın 30-da açıqlanacaqdır. Qaliblərə diplom və pul mükafatı veriləcəkdir.
