“Qırmızı bağ” filminin final çəkilişləri payızda aparılacaqdır
Bakı, 31 iyul (AZƏRTAC). “Qırmızı bağ” tammetrajlı bədii filminin çəkilişləri başa çatmaq üzrədir.
Bu ekran əsəri Mədəniyyət və Turizm Nazirliyinin “Salnamə” kinostudiyası ilə Rusiyanın “Weit Media” şirkətinin birgə layihəsi əsasında reallaşdırılır.
Kinostudiyadan AZƏRTAC-a bildirmişlər ki, filmin final çəkilişi payız aylarında aparılacaqdır.
Filmin ssenari müəllifi və quruluşçu rejissoru Mirbala Səlimli, quruluşçu operator Maksim Drozdov, quruluşçu rəssam Vladimir Trapeznikovdur.
Yani ekran əsərindəki hadisələr Azərbaycanın əyalət şəhərlərindən birində baş verir. Filmdə orta məktəb muəllimi Abbasla onun həyat yoldaşı Vəfanın məişət qayğılarından bəhs olunur. Onların qarşısına Orxan adlı kimsəsiz uşağın cıxması ilə hadisələr kökündən dəyişir. Bundan sonra bu üç nəfərin yaşayışı ölüm və həyat uğrunda mübarizəyə çevrilir.
Bölmənin digər xəbərləri
