QIŞLAMA BAŞA ÇATMIŞDIR
Zaqatala Rayon İcra Hakimiyyətindən AZƏRTAC-a bildirmişlər ki, rayonun heyvandarlıqla məşğul olan şəxsi və fermer təsərrüfatlarında növbəti qışlama dövrü müvəffəqiyyətlə başa çatmışdır. Heyvandarlıqda məsul dövr hesab olunan döl kampaniyası zamanı rayonun qoyunçuluq təsərrüfatlarında 70 min başa yaxın sağlam quzu götürülmüşdür. Bu, əvvəlki illərlə müqayisədə xeyli çoxdur. Ümumiyyətlə, ilin ötən dövründə təsərrüfatlarda qaramalın sayı əvvəlki ilin müvafiq dövrü ilə müqayisədə 456 baş artaraq 60 min 330 başa, davarların sayı isə 2 min 175 baş artaraq 179 min 878 başa çatmışdır.
Hesabat dövründə digər sahələrdə olduğu kimi, heyvandarlıq məhsulları istehsalında da dinamik artım müşahidə olunmuşdur. Mayın 1-dək rayonda diri çəkidə ət istehsalı ötən ilin müvafiq dövrünə nisbətən 229 ton, süd istehsalı isə 310 ton artmışdır.
Bölmənin digər xəbərləri
