Qubada keçiriləcək beynəlxalq futbol turnirinin iştirakçıları bəlli olub
Bakı, 21 avqust, AZƏRTAC
Avqustun 25-də Qubada 12 yaşlı futbolçular arasında II “Ulduz Cup” beynəlxalq turniri start götürəcək.
AZƏRTAC xəbər verir ki, avqustun 28-dək davam edəcək turnir Gənclər və İdman Nazirliyi, AFFA və “Ulduz” Futbol Akademiyasının təşkilatçılığı ilə baş tutacaq.
Quba Olimpiya İdman Kompleksinin stadionunda təşkil olunacaq turnirdə Azərbaycanı “Ulduz”, “Qarabağ”, “Sabah” və “Neftçi”, Türkiyəni “Trabzonspor məktəbi” və “Başakşəhər”, Gürcüstanı “Dinamo” (Tbilisi), Özbəkistanı “Paxtakor” və “Bünyadkor”, Qırğızıstanı “Sduşorsi”, Qətəri “Aspire Akademiyası”, Qazaxıstanı isə “Şaxtyor” təmsil edəcək.
Bölmənin digər xəbərləri
