Qubadlıda Ermənistan ordusu bölmələrinin atıb qaçdığı silah-sursat aşkarlanıb
Bakı, 25 oktyabr, AZƏRTAC
Qubadlı rayonunda ermənilərin atıb qaçdığı silah-sursat aşkar edilib.
Daxili İşlər Nazirliyinin mətbuat xidmətindən AZƏRTAC-a bildiriblər ki, Qubadlı rayonu ərazisində düşmənin tərk etdiyi hərbi mövqelərdən 7 avtomat, 2 pulemyot, 1 qumbaraatan, 1 minaatan qurğusu, 42 qumbara, 314 qumbaraatan mərmisi, 118 minaatan mərmisi, 280 ədəd müxtəlif növ alışdırıcı, 22 minə yaxın müxtəlif çaplı patron, 31 ədəd partlayıcı vasitə və digər sursat aşkarlanıb.
Bundan əlavə, Dövlət Sərhəd Xidməti, Ekologiya və Təbii Sərvətlər Nazirliyinin və Qubadlı Rayon Polis Şöbəsinin əməkdaşlarının birgə keçirdikləri kompleks tədbirlər zamanı rayonun Davudlu, Bəxtiyarlı və Əliquluuşağı kəndlərinin ərazisində yabanı halda bitmiş ümumi çəkisi 7 tona yaxın olan 12 668 ədəd çətənə bitkisi yığılaraq məhv edilib.
Bölmənin digər xəbərləri
