“QURBAN ABBASOV” GƏMİSİNİN TƏMİRİ ÜÇÜN AÇIQ MÜSABİQƏ ELAN EDİLMİŞDİR
Dövlət Neft Şirkətindən AZƏRTAC-a bildirmişlər ki, Xəzər Dəniz Neft Donanması “Qurban Abbasov” gəmisinin təmiri üçün tələb olunan ehtiyat hissələrinin alınması məqsədi ilə açıq müsabiqə elan etmişdir.
İddiaçı kimi iştirak etmək istəyənlər donanmanın marketinq şöbəsinə (tel/faks: 490-20-26) müraciət edib iştirak haqqını (236 ABŞ dolları və ya ödəniş gününə manatla məzənnəsi) ödədikdən sonra müvafiq sənədləri ala bilərlər.
Avadanlığın və ehtiyat hissələrinin dəyəri mal göndərildikdən sonra 1 il ərzində hissə-hissə ödəniləcəkdir.
Sənədlər, imzalanmış və möhürlənmiş müsabiqə təklifi Xəzər Dəniz Neft Donanmasına (Xocalı prospekti, 13) 2008-ci il sentyabrın 8-də saat 11.00-dan gec olmamaq şərti ilə təqdim olunmalıdır. Göstərilən müddətdən gec verilən təkliflər qəbul edilmir.
Təkliflər donanmanın binasında sentyabrın 9-da saat 11.00-da açılacaqdır. İddiaçılar və onların səlahiyyətli nümayəndələri zərflərin açılışında iştirak edə bilərlər.
Bölmənin digər xəbərləri
