“QUŞ QRİPİ İLƏ MÜBARİZƏ AVADANLIĞINDAN İSTİFADƏ QAYDALARI” MÖVZUSUNDA SEMİNAR KEÇİRİLİR
USAİD-in ölkə üzrə əlaqələndiricisi Skot Teylor və həmkarları quş qripi ilə mübarizəyə həsr olunmuş seminarların Azərbaycanla yanaşı Gürcüstan, Ukrayna, Moldova və Bolqarıstanda, eləcə də Şərqi Avropa, Afrika, Asiya, Yaxın Şərqdə, ümumiyyətlə 22 ölkədə keçirildiyini bildirmişlər. Qeyd etmişlər ki, tədbirdən məqsəd iştirakçıları xəstə quşların zərərsizləşdirilməsi, nümunələrin laboratoriyaya göndərilməsi qaydaları, qablaşdırma və daşınma, şəxsi mühafizə avadanlığı vasitələri ilə tanış etməkdir.
Natiqlər Azərbaycan hökumətinin quş qripinə qarşı mübarizə tədbirlərini qənaətbəxş hesab etmiş, təmsil etdikləri təşkilatın ictimaiyyətin bu sahədə maarifləndirilməsi istiqamətində gələcək planları barədə məlumat vermişlər. Kənd Təsərrüfatı və Səhiyyə nazirliklərinin mütəxəssisləri ilə birgə mümkün yayım ehtimallarının qarşısını almaq məqsədi ilə Azərbaycanın müxtəlif bölgələrində monitorinqlərin keçiriləcəyi də diqqətə çatdırılmışdır.
Bölmənin digər xəbərləri
