QUŞÇULUQ MÜƏSSİSƏLƏRİ MƏHSULLARININ SATIŞ-YARMARKASI KEÇİRİLMİŞDİR
Yarmarkada Xırdalan, Görədil, Hövsan, Mərdəkan, Pirsaat quşçuluq, Siyəzən, İmişli, Buzovna, Dəvəзi, Mərdəkan və Neftçaladakı Qaraqaşlı broyler müəssisələri yumurta və toyuq əti satışa çıxarmışdılar. Alıcılara pulsuz tabaka, kabab və bişmiş yumurta da təklif olunurdu. Bu təamlardan həmin müəssisələrin rəhbərləri və səlahiyyətli nümayəndələri də dadırdılar. Satış Dövlət Baytarlıq Xidməti mütəxəssislərinin ciddi nəzarəti altında həyata keзirilirdi.
Yarmarkada iştirak edən iqtisadi inkişaf naziri Heydər Babayev jurnalistlərin suallarına cavab verərkən demişdir ki, dövlət burada təmsil olunan müəssisələrin məhsullarının təmizliyinə zəmanət verir. Onun sözlərinə görə, ölkəmizdə quş qripi təhlükəsi aradan qalxsa da, sayıqlıq itirilməməli, qabaqlayıcı tədbirlər davam etdirilməli, məişətdə gigiyenik tələblərə əməl olunmalıdır. Heydər Babayev quş qripi xəstəliyi ilə əlaqədar təsərrüfatlara dəyən ziyanı minimuma endirmək, onların maliyyə-iqtisadi vəziyyətini yaxşılaşdırmaq üçün görülən tədbirlər, o cümlədən vergi güzəştləri barədə də məlumat vermişdir.
Bölmənin digər xəbərləri
