RABİTƏ NAZİRLİYİ , ARDNŞ VƏ BP ƏMƏKDAŞLIQ HAQQINDA PROTOKOL İMZALAMIŞLAR
Bp şirkətinin mətbuat xidmətindən bildirmişlər ki, şirkət Rabitə Nazirliyi və ARDNŞ ilə əməkdaşlıq haqqında protokol imzalamışdır. Sənədi Azərbaycanın rabitə naziri Nadir Əhmədov, ARDNŞ-ın prezidenti Natiq Əliyev, bp-nin prezidenti Devid Vudvord imzalamışlar.
Protokolda bp şirkətinin və onun Azərbaycandakı əsas podratçılarının işini dəstəkləmək üçün telekommunikasiya xidmətləri göstərilməsi sahəsində əməkdaşlıq nəzərdə tutulur. Protokolun şərtlərinə uyğun olaraq, işçi qrupu yaradılmışdır. Uzunmüddətli əsasda fəaliyyət göstərəcək və bütün telekommunikasiya xidmətlərinin yerinə yetirilməsini vaxtında və səmərəli şəkildə əlaqələndirəcək bu qrupa Rabitə Nazirliyinin, ARDNŞ-in və bp-nin nümayəndələri daxildirlər. Protokola radio və peyk xidməti avadanlığından istifadəyə dair saziş və beynəlxalq rabitə kanallarından istifadə haqqında saziş də daxil edilmişdir.
Bölmənin digər xəbərləri
