RABİTƏ VƏ İNFORMASİYA TEXNOLOGİYALARI NAZİRLİYİNDƏ MÜŞAVİRƏ KEÇİRİLMİŞDİR
Azərbaycan Respublikasında televiziya yayımının genişləndirilməsi və efir məkanında informasiya təhlükəsizliyinin möhkəmləndirilməsinə dair əlavə tədbirlər haqqında Azərbaycan Respublikası Prezidentinin 10 iyul 2008-ci il tarixli Sərəncamından irəli gələn vəzifələrin yerinə yetirilməsi üçün Rabitə və İnformasiya Texnologiyaları Nazirliyində operativ müşavirə keçirilmişdir.
Nazirliyin mətbuat xidmətinin katibi Müşfiq Əmirov AZƏRTAC-a bildirmişdir ki, müşavirədə nazir Əli Abbasov son illər ölkəmizdə müasir informasiya kommunikasiya texnologiyalarının tətbiqi və yeni informasiya sistemlərinin yaradılması istiqamətində aparılan islahatlardan danışmış və bu işlərin ölkə başçısının diqqət və qayğısı sayəsində uğurla həyata keçirildiyini qeyd etmişdir.
Müşavirədə Azərbaycan Prezidentinin imzaladığı sərəncamın icrasının təmin olunması üçün televiziya və radio yayımı sahəsində keyfiyyətin artırılması, yayımın əhatə dairəsinin genişləndirilməsi, efir məkanına kənar müdaxilələrin qarşısının alınması, bundan əlavə respublikanın regionlarında televiziya və radio yayımının müasirləşdirilməsi və genişləndirilməsi qarşıya məqsəd kimi qoyulmuşdur. Bütün bu işlərin həyata keçirilməsi üçün nazirlikdə işçi qrupu yaradılmış və tədbirlər planı təsdiq edilmişdir.
Bölmənin digər xəbərləri
