RABİTƏÇİLƏR HAQRINDA MAHNI MÜSABİQƏSİ
Rabitə Nazirliyi və Rabitə İşçiləri Müstəqil Həmkarlar İttifaqının Respublika Komitəsi rabitəçilərin fədakar əməyini və müasir həyatını tərənnüm edən ən yaxşı mahnılar üçün müsabiqə elan etmişdir. Müsabiqədə peşəkar və həvəskar bəstəkarlar iştirak edə bilərlər.
Müsabiqəyə indiyədək heç bir yerdə ifa və dərc olunmamış mahnılar buraxılır. Əsərlər 2002-ci il sentyabrın 1-dək qəbul olunur.
Əsərlər müəlliflərin seçdikləri devizlə, mahnının klaviri və ya partiturası iri bağlı zərfdə təqdim edilməlidir. Üzərində həmin deviz yazılan kiçik bağlı zərfin içərisində isə müəllifin adı, soyadı, atasının adı, ünvanı və telefon nömrəsi göstərilməlidir.
Qaliblər üçün aşağıdakı mükafatlar müəyyən edilmişdir:
I yer: bəstəkar - 2 milyon manat, şair - 1 milyon manat;
II yer: bəstəkar 1,5 milyon manat, şair - 800 min manat;
III yer: bəstəkar 1 milyon manat, şair 500 min manat.
Ünvan: 370139, Bakı, Azərbaycan prospekti 33, Rabitə Nazirliyinin Mətbuat və İnformasiya Mərkəzi. Telefon: 98-60-72.
Bölmənin digər xəbərləri
