REGİONLARIN SOSİAL-İQTİSADİ İNKİŞAFINA DAİR YENİ QANUN HAZIRLANIR
Milli Məclisin iqtisadi siyasət daimi komissiyasından AZƏRTAC-ın müxbirinə bildirmişlər ki, İqtisadi İnkişaf Nazirliyi daha iri layihələrin maliyyələşdirilməsi məqsədi ilə 2005-ci ildə kreditlərin məbləğini 1 milyard manatdan 10 milyard manata çatdırmaq niyyətindədir. Kredit məbləğinin artırılması bölgələrin sosial-iqtisadi inkişafına təkan verəcək, işsizliyin aradan qarldırılmasında, yerli istehsalın həcminin artırılmasında mühüm rol oynayacaqdır.
Komissiyada bu sahədə hökumətə kömək məqsədi ilə regionların iqtisadi inkişafı ilə bağlı yeni qanun layihəsi hazırlanır. Sənəddə regionların sosial-iqtisadi inkişafının əsas parametrləri, ayrı-ayrı sahələrə qoyulacaq sərmayələrin qorunma mexanizmi, eləcə də kreditlərdən səmərəli istifadə qaydaları öz əksini tapacaqdır.
Bölmənin digər xəbərləri
