REJİSSOR FUAD ŞABANOV YAZIÇI NATİQ RƏSULZADƏNİN POVESTİ ƏSASINDA FİLM ÇƏKƏCƏKDİR
AZƏRTAC xəbər verir ki, tanınmış kinorejissor Fuad Şabanov yazıçı Natiq Rəsulzadənin “Ev” povesti əsasında kino çəkəcəkdir. Bütün çəkiliş prosesləri Rusiyada aparılacaqdır.
Natiq Rəsulzadənin bildirdiyinə görə, rejissoru bu işə həvəsləndirən əsərin sürrealist janrda yazılması olmuşdur. Povestdə əhvalat qatardan başlanır. Həmvətənimizin istəyi baş tutur: o, adsız yarımstansiyada qatardan düşür. Sonradan məlum olur ki, qatarlar, ümumiyyətlə, burada heç vaxt dayanmır və ən yaxın yaşayış məntəqəsinə getmək üçün isə kilometrlərlə yol qət etmək lazımdır.
Əsərin qəhrəmanı həmyerlimiz xeyli müddət bu müəmmalı yerdə bir neçə nəfərlə yaşamalı olur. Hətta məhəbbət üçbucağına da qatılır. Sonra bu yarımqaranlıq “teatr” mühitindən uzaqlaşmaq qərarına gəlir. Gözünə “Çıxış” sözü yazılmış ox işarəsi sataşır. Həmin yolla-şpalların üstü ilə baş alıb gedir.
Bölmənin digər xəbərləri
