Rəqəmsal inkişaf və nəqliyyat naziri dördüncü “Yüksəliş” müsabiqəsinin qalibləri ilə görüşüb
Bakı, 24 fevral, AZƏRTAC
Rəqəmsal inkişaf və nəqliyyat naziri Rəşad Nəbiyev dördüncü “Yüksəliş” müsabiqəsinin qalibləri Elnur Abdullazadə və Salman Babazadə ilə Mentorluq proqramı çərçivəsində görüş keçirib.
AZƏRTAC nazirliyin məlumatına istinadla xəbər verir ki, görüşdə qaliblərlə mentorluq dövründə fərdi inkişaf istiqamətləri və peşəkar bacarıqlarının artırılması ilə əlaqədar fikir mübadiləsi aparılıb.
Onların karyera perspektivləri, idarəetmə səriştələrinin təkmilləşdirilməsi və innovativ layihələrdə fəal iştirak imkanları müzakirə olunub.
Bölmənin digər xəbərləri
