Respublika fənn olimpiadalarının rayon (şəhər) mərhələsinin nəticələri açıqlanıb
Bakı, 10 yanvar, AZƏRTAC
Dekabrın 24-də keçirilən respublika fənn olimpiadalarının rayon (şəhər) mərhələsinin nəticələri açıqlanıb.
Elm və Təhsil Nazirliyindən AZƏRTAC-a bildirilib ki, şagirdlər www.portal.edu.az saytındakı şəxsi kabinetləri və ya təhsil aldıqları ümumi təhsil müəssisələri vasitəsilə nəticələrlə tanış ola bilərlər.
Nəticələrlə bağlı ərizələr 3 iş günü ərzində qəbul edilir. Müraciətlər [email protected] elektron poçt ünvanına yazılı şəkildə göndərilməlidir.
Olimpiadaların təşkilində məqsəd istedadlı uşaqların aşkar olunması, şagirdlərdə fənlərə olan marağın artırılması, onların sağlam rəqabət mühitində öz bilik və bacarıqlarını nümayiş etdirmələrinə imkan yaratmaqdır.
Bölmənin digər xəbərləri
