RF XİN: Erməni əhalinin Qarabağdan qovulmasına dair heç bir beynəlxalq sənəd yoxdur
Moskva, 12 yanvar, AZƏRTAC
Qarabağdakı etnik təmizləmələr və erməni əhalisinin regiondan qovulmasına dair heç bir beynəlxalq sənəd və ya nüfuzlu beynəlxalq təşkilatın bəyanatı yoxdur.
AZƏRTAC xəbər verir ki, bu barədə Rusiya Federasiyası Xarici İşlər Nazirliyinin rəsmi nümayəndəsi Mariya Zaxarova Moskvada keçirilən brifinqdə bildirib.
M.Zaxarova əlavə edib ki, Rusiya Bakının bəyanatlarına əsaslanaraq, erməni əhalinin Qarabağa qayıtması üçün şəraitin yaradılmasının vacibliyini dəfələrlə qeyd edib.
Azərbaycan və Ermənistan arasında sülh müqaviləsinin bağlanması prosesini şərh edən Rusiya XİN-in rəsmi nümayəndəsi vurğulayıb ki, Cənubi Qafqazda davamlı sülhün bərqərar olunması üçün alternativi olmayan yol xəritəsi 2020-2022-ci illərdə Rusiya, Azərbaycan və Ermənistan arasında yüksək səviyyədə imzalanmış üçtərəfli razılaşmalar kompleksidir.
Fəridə Abdullayeva
AZƏRTAC-ın xüsusi müxbiri
Moskva
Bölmənin digər xəbərləri
