Rubio: USAID proqramları səfirliklərin missiyasına xələl gətirirdi
Vaşinqton, 21 may, AZƏRTAC
Bir çox hallarda USAID proqramları səfirliklərin missiyasına xələl gətirirdi.
AZƏRTAC xəbər verir ki, bu sözləri ABŞ Dövlət katibi Marko Rubio Senatın Xarici əlaqələr komitəsi qarşısında ifadəsi zamanı deyib. O bildirib ki, bu faktdır və bunu Karib hövzəsindən, dünyanın başqa yerlərindən dəfələrlə eşidib.
“Bəlkə də bəziləriniz səyahət edərkən ölkələrdəki səfirlərlə danışırsınız və onlar sizə USAID-in həmin ölkədə nəyi irəli sürdüklərinin ziddiyyətli olduğunu söyləyəcəklər. Mən USAID-in və xarici yardımın Dövlət Departamentinin tabeliyində olmasını istəyən ilk dövlət katibi deyiləm. Mən bunu bacaran ilk şəxsəm və şadam ki, biz bunu etdik. Bu, daha yaxşı xarici siyasət və açıq desək, daha çox hesabatlılıq, daha çox nəzarət imkanı verəcək”, - deyə o əlavə edib.
Dövlət katibi bildirib ki, xarici yardım görülən işlərin bir hissəsi olmalı və dünyanın istənilən regionunda, yaxud hansısa ölkədə ABŞ-ın gündəminə uyğun gəlməlidir.
Məlahət Nəcəfova
AZƏRTAC-ın xüsusi müxbiri
Vaşinqton
Bölmənin digər xəbərləri
