Rusiya koronavirus infeksiyasına yoluxanların sayına görə dünyada üçüncü yeri tutur
Moskva, 11 may, AZƏRTAC
Ötən gün Rusiyada 11 min 656 nəfərdə koronavirus infeksiyası aşkar edilib.
AZƏRTAC xəbər verir ki, ölkədə bir gündə daha 11 min 656 COVID-19 xəstəsi aşkar edilib, 94 pasiyent vəfat edib, 5308 nəfər sağalıb.
Beləliklə, Rusiyada infeksiyaya yoluxanların ümumi sayı 221 min 344 nəfərə çatıb. Ölkədə indiyədək bu xəstəlikdən 39 mindən çox insan sağalıb, 2009 xəstə vəfat edib.
Qeyd edək ki, hazırda COVID-19 xəstələrinin sayına görə Rusiya Böyük Britaniya və İtaliyanı geridə qoyaraq, üçüncü yeri tutub. Birinci və ikinci yerləri ABŞ və İspaniya tutur.
Fəridə Abdullayeva
AZƏRTAC-ın xüsusi müxbiri
Moskva
Bölmənin digər xəbərləri
