RUSİYA PREZİDENTİ TACİKİSTANDA SƏFƏRDƏDİR
AZƏRTAC-ın xüsusi müxbiri xəbər verir ki, Rusiya Prezidenti Vladimir Putin oktyabrın 16-da Çin Xalq Respublikasından Tacikistana gəlmişdir. V.Putin Tacikistan Prezidenti Emoməli Rəhmonovla görüşündə əməkdaşlığın gələcək inkişaf perspektivləri müzakirə olunmuş, Rusiya hərbçilərinin Tacikistandakı statusu məsələsinə toxunulmuşdur. Danışıqların yekunu kimi Rusiya və Taçikistan arasında sərhəd məsələlərində əməkdaşlıq haqqında saziş imzalanmışdır. Sənədə əsasən Rusiya Federal Sərhəd Xidmətinin Tacikistanda operativ sərhəd qrupları yaradılır, sərhədçilər bütün növ vergi və gömrük rüsumlarından azad edilir. Bununla belə, 2005-ci ildə Rusiya sərhədçiləri Tacikistan- Əfranıstan sərhəddinin Pamir sahəsindən çıxarılacaq və 2006-cı ildən sərhədə ancaq Tacikistan hərbçiləri nəzarət edəcəkdir.
V.Putin Mərkəzi Asiya Əməkdaşlıq Təşkilatı dövlət başçılarının Düşənbədə keçiriləcək sammitində də iştirak edəcək.
Bölmənin digər xəbərləri
