RUSİYA UKRAYNA İLƏ SSRİ-NİN BORCLARINI MÜZAKİRƏ ETMƏYƏCƏK
Kamınının bu bəyanatı keçmiş SSRİ-nin xaricdəki mülkiyyətinin mənsubiyyətinə dair danışıqlara yenidən başlamaq barədə Ukrayna XİN-in mətbuat xidmətinin rəhbəri Vasili Filipçukun təklifindən sonra səslənmişdir. Rusiya XİN-in nümayəndəsi vurğulamışdır ki, keçmiş SSRİ-nin xarici dövlət borcunun və aktivlərinin hüquqi varisliyi məsələlərinin tənzimlənməsi haqqında saziş 1994-cü il dekabrın 9-da imzalanmışdır.
Keçmiş SSRİ-nin bütün borclarını hazırda Rusiya ödəyir və sazişə əsasən, Sovet İttifaqının xaricdəki bütün aktivlərinə sahib olmaq hüququna malikdir. Lakin Ukrayna Rusiyadan danışıqların yenidən aparılmasını və keçmiş SSRİ-nin həm borcları, həm də aktivləri barədə tam və obyektiv məlumat verilməsini tələb edir. Rusiya isə bildirir ki, saziş imzalanarkən Ukrayna tam məlumata malik olmuşdur.
Bundan başqa, Kamınının sözlərinə görə, Rusiya tərəfindən fərqli olaraq, Ukrayna tərəfi sazişin qüvvəyə minməsi üçün zəruri olan dövlətdaxili proseduraları indiyədək yerinə yetirməmişdir.
Martın əvvəllərində RF Prezidentinin işlər müdiri Vladimir Kojin bildirmişdi ki, Rusiya təkcə keçmiş SSRİ-nin deyil, həm də Rusiya imperiyasının mülkiyyətində olmuş obyektləri fəal surətdə axtarmaqdadır. Onun sözlərinə görə, axtarış nəticəsində əldə ediləcək faktlar bu mülkiyyət barəsində tələblər irəli sürməyə imkan verəcəkdir.
Bölmənin digər xəbərləri
