Rusiya XİN Moskva və Ankaranın İdliblə bağlı məsləhətləşmələr keçirəcəyini təsdiqləyib
Moskva, 8 fevral, AZƏRTAC
Rusiya Xarici İşlər Nazirliyi Moskva və Ankaranın İdliblə bağlı məsləhətləşmələr keçirəcəyini təsdiqləyib.
AZƏRTAC xəbər verir ki, bu barədə Xarici İşlər nazirinin müavini Mixail Boqdanov jurnalistlərə müsahibəsində bildirib.
O deyib ki, ən yaxın vaxtlarda Rusiya nümayəndə heyəti İdlibdə baş verən hadisələri ətraflı müzakirə etmək üçün Ankaraya yola düşəcək.
Xatırladaq ki, bir neçə gün əvvəl Türkiyənin Xarici İşlər naziri Mövlud Çavuşoğlu Ankara danışıqlarının anonsunu vermişdi.
Fəridə Abdullayeva
AZƏRTAC-ın xüsusi müxbiri
Moskva
Bölmənin digər xəbərləri
